陳柏宇傅曉薇餅印囡囡Abi演出短片晒演技 一堂濃眉好搶鏡

GIRLAV

陳柏宇同太太傅曉薇Leanne嘅大女Abigail（陳羿辰）唔覺唔覺已經六歲大，精靈醒目嘅Abi不時出現喺爹地媽咪嘅社交平台短片，相當搶鏡。Abi早前趁住暑假仲為「試當真」嘅喜劇短片比賽其中一隊參加團體嘅作品，飾演出席學校面試嘅小朋友。

故事講到因爲家人擔心Abi唔識答問題，於是識超能力嘅爸爸、媽媽（許賢、豪哥飾演）「通水」，結果越答越錯！最好笑係片中嘅面試官東方昇（王嘉偉）拎咗好多張人物照俾Abi「認人」，Abi望住爹地陳柏宇嘅照片，居然答「唔識」！

爹地媽咪都有幕前經驗，十足餅印咁嘅Abi表現有返咁上下，甚至有留言話「演技好過爸爸」！而Abi嘅一堂濃眉依舊好搶鏡，唔少人都讚可愛。