菊梓喬保錡疑情逝罕回應感情狀況：對下一段感情冇期待！

GIRLAV · 發表於 6 天前

現年37歲嘅前「星夢一姐」菊梓喬（Hana），上年8月被傳與ERROR成員吳保錡（Poki）譜出「姊弟戀」，雖然佢哋從未承認戀情，但就指男方經常去女方屋企，又被影到一齊去買日用品及喺街頭拖手兼箍頸。正當大家以為佢哋關係穩定時，今年2月菊梓喬被發現IG取消關注保錡，不過保錡就有繼續關注菊梓喬，惹來分手疑雲。

忙於工作嘅菊梓喬為HOY新劇《我愛九龍城》唱主題曲，而劇集將於9月出街，日前佢喺赤柱拍攝MV，期間接受傳媒訪問，佢表示曾經想參與劇集拍攝，可惜因檔期問題未能參與。另外佢仲提及除咗主題曲之外，預告今年年尾有望推出新派台歌。

當被問及保錡近況時，菊梓喬即時落閘叫傳媒自己問返佢，及表示唔清楚。之後被問到現時係唔係單身，Hana就話要專注工作，及表示：「對下一段感情冇期待！」最後講到佢喺7月開始將其社交網站按讚人數及追蹤者隱藏，佢就話自己唔想再看到任何數字。