曾志偉回應指TVB因財困而劇集減產言論網民慨嘆藝人冇劇拍格硬轉戰歌壇

GIRLAV · 發表於 6 天前

TVB歌唱選秀節目《中年好聲音4》日前進行第一輪海選，除咗香港參賽者，今屆仲多咗唔少過江龍報名，副總經理曾志偉表示今年報名人數已突破5800人，另外又喺接受訪問時回應外界指TVB因財困而劇集減產，藝人們疑似無劇可拍嘅言論。

曾志偉否認劇集減產，表示近年自家製劇集看似有所減少，但其實係因為與唔同平台嘅合作機會增加，而每個電視檔期嘅劇集播放數量並無減少，製作量都冇下降，直指TVB擁有龐大藝人陣容，未來將積極拍攝及發展劇集業務。有網民指出一班一線藝人因為冇劇拍，紛紛轉戰歌壇，甚至開演唱會搵外快。此外有網民指部分藝人頻頻亮相於大灣區節目，唱歌跳舞表現極生硬，睇到令人尷尬。