BIG FOUR成員太太齊現身演唱會 鄭秀文晒合照 網民：充滿愛的畫面

GIRLAV

由許志安、蘇永康、張衞健和梁漢文組成嘅BIG FOUR一連三場《HAPPY TO SEE YOU ALL》紅館演唱會已圓滿結束，今次個唱係BIG FOUR相隔12年後再次喺紅館合體，喺台上合作唱歌之外，更發揮老友鬼鬼互窒本色；4位BIG FOUR成員嘅太太（鄭秀文、張茜、馮翠珊和林文慧）亦有到場支持，相當甜蜜。

過往許志安、蘇永康、張衞健和梁漢文各自忙於工作，但4人嘅太太亦有私下聚會，而且每次聚會都傾計到深宵。8月13日鄭秀文於社交平台分享與張茜、馮翠珊和林文慧到場欣賞BIG FOUR演唱會，大晒4對夫婦嘅合照，寫道：「Moments to cherish. Treasure. Grateful. #Mi自己也很久沒見Big4姊妹們因此見到時特別高興。」唔少網民都留言話見到張相覺得好感動：「充滿愛的畫面」、「盡在不言中的感動時刻，願大家幸福快樂」、「很美的畫面」、「一張開心的Big Four全家幅！」、「從小到大的感情不容易」、「呢張合照好感動，愛您們」等等。

howardwo

Big Four