「東張女神」吳幸美與男友街頭行街街 甜蜜咀足20次曬恩愛

GIRLAV

吳幸美（Amy）參選《2003年度香港小姐競選》，12強止步後便加入TVB，2009年開始主持《東張西望》，可以算係資深主持之一。吳幸美勇於追問尋求真相、憑真人示範「斷片酒」、「睡眠水」等一飲成名，專業態度深得觀眾喜愛。2023年《東張西望》衍生嘅網上頻道「東張+」為慶祝推出1週年，搞咗個「你最支持的東張女神」投票活動，吳幸美成功躋身三甲，與何沛珈和李旻芳齊名。

出道22年嘅吳幸美，感情生活甚Dry，曾自爆求學時試過puppy love及入行後只係拍過一次散拖，而佢亦有透露過擇偶條件，包括抗拒「姊弟戀」、唔可以矮過佢、善良、人品好及接受大10年嘅男士等等。前年喺運程節目《2024風生水起》更表示係單身，好想盡快脫單；最近有傳媒影到佢同男友喺將軍澳新都城十指緊扣拍拖，及近日佢以「乙肝大使」身份出席活動，而其男友亦有到場外守候。活動結束後，男友到後台等候吳幸美離開。之後二人到商場拖實行街街，喺2個鐘頭內咀足20次兼餵男友食雪糕，全程表現恩愛，羨煞旁人呀！

howardwo

原來如此！