|
|
現年34歲嘅蔡思貝（Sisley），2013年參選香港小姐競選勇奪亞軍入行，一出道即備受力捧，入行短短7年憑《踩過界II》「癲姐」趙正妹一角榮升TVB視后寶座，以29歲之齡成為首位「90後」最佳女主角。蔡思貝已經有年半冇新劇出街，鮮有露面嘅佢甚至連社交網站都唔係經常更新。
近日蔡思貝喺社交網站分享換廁所板過程片段，第一次換廁所板嘅佢，紮起頭髮及著上小背心，拎起螺絲批、𠝹刀及鉗子拆去舊廁所板，但之後因有一個位被膠塞阻礙，佢需要手腳並用將膠塞移除，最後成功將新廁板換上，工程大成功。蔡思貝喺PO寫上：：「單身女士們可以找我 🪠承接工程 換燈膽 廁所水箱 油漆翻新 家具安裝」。
呢個PO一出，唔少網民紛紛留言大讚佢，例如「一個字：好鬼勁揪」、「果然技术超凡，青春活力。」、「厲害 好少女仔識整，仲有係靚嘅女仔更少」、「肯落手落腳整已經抵讚」、「勁呀貝貝」、「好叻女。」、「好犀利，好叻女喎」及「叻過好多男人」等等。另外，亦有網民好掛住佢嘅演出，留言話「好掛住我心目中的最佳女主角的演出…..」及「又厲害又靚女，快點拍劇吧！想看你的劇了！」等等。 |
|
在線雷達
發表於 2025-8-11 11:18:57
廣播
置頂
推舊帖
收嗲鳥
油顏色
