陳庭欣分享黑雨屋企滲水苦況 與10億身家男友拍拖身價幾級跳 由公屋住到3千呎豪宅

GIRLAV

陳庭欣（Toby）於2010年參選香港小姐競選，勇奪冠軍獎項、國際親善小姐和旅遊大使獎頭，成為三料冠軍，入行後涉獵主持及拍劇方面。2018年，陳庭欣與坐擁10億身家嘅彩豐行老闆楊振源（Benny）拍拖，陳庭欣生活越來越富貴，由九龍灣啟晴邨住到宜家3千呎九肚山洋房。日前陳庭欣於社交平台分享黑色暴雨警告期間屋企木地板滲水及嘅牆身出現裂縫嘅照片，並寫道：「大雨到屋企又漏水！連場大雨嘅威力！！！」

陳庭欣不時於社交平台分享愛寵短片及曾PO過自己做瑜珈嘅照片，意外曝光豪宅內貌。其豪宅擁超高樓底，大廳空間寬敞，選用木製家具、大理石大圓餐桌、巨型燈飾，以及設有逾400呎花園及逾630呎嘅天台，對比以往公屋絕對係幾級跳。另外陳庭欣之前分享屋企嘅窗簾連路軌突然跌下，喺夜晚時份屋企又一個螺絲批都冇，情急之下將Hermès、LV、FENDI等名牌紙袋貼喺玻璃暫當窗簾，可謂相當富貴。

howardwo

豪宅典解會漏水？！