|
|
80年代由台灣來港發展嘅恬妞，以其臉上嘅「銷魂癦」成為當年嘅風騷女神。今年已經67歲嘅恬妞仍活躍圈中，喺內地拍攝嘅劇集《朝雪錄》近期推出。唔少觀眾盛讚恬妞劇中飾演宮廷大人物「大長公主」演得出色，流露住仁慈而威嚴嘅氣勢。
可能因為劇集推出，有網民拎返去年恬妞拍《朝雪錄》，喺微博自post收工後嘅素顏照作出評論。去年恬妞發文時提到拍《朝雪錄》嘅苦況，「每天單單梳個大長公主頭髮2小時起跳，再配合39度高溫中的拍攝，收工後打開大長公主的蒸籠頭，可端出一籠上湯小籠包。回到酒店又痛又癢，只有自我治療」，照片中以頭部按摩器舒緩。有人認為當年恬妞堪稱「男神收割機」，同過鍾鎮濤、萬梓良等一線男星拍拖，而家佢嘅顏值比以前下跌唔少。亦有人認為，恬妞畢竟已經67歲，仍然post出率性做鬼臉生活照，心境相當年青。
根據資料，劇組於去年4至9月喺橫店拍攝，簡直中晒「夏天拍古裝」嘅圈中定律。恬妞喺另一個post都有提到9月仍然好熱，身穿戲服嘅佢問「熱到何時才罷休」﹐辛苦晒！
原名朱凱莉嘅恬妞自細就成為童星，20歲時拍電影《蒂蒂日記》獲金馬影后殊榮。恬妞80年代離婚後一度來港發展，並且同曾合演電影《大頭仔》嘅萬梓良撻著。1992年萬梓良同恬妞結婚，當年婚禮更由TVB進行直播，一對新人更邀得《他來自江湖》同劇嘅周星馳及梅小惠做伴郎伴娘，TVB時任主席邵逸夫更成為證婚人。可惜萬梓良同恬妞嘅婚姻更維持4年，至1996年二人宣佈因性格不合而分開。
|
|
在線雷達
發表於 2025-8-4 11:37:55
廣播
置頂
推舊帖
收嗲鳥
油顏色
