姚子羚張振朗廣州演唱會現場氣氛高漲 唱《一事無成》頻走音被網民揶揄：還是好好拍戲吧

GIRLAV

姚子羚及張振朗憑劇集《反黑英雄》組成嘅CP深受觀眾喜愛，二人7月27日喺廣州舉行《黑白戀曲音樂會》，除咗有大批粉絲支持之外，樂易玲、周嘉洛及朱敏瀚等等都有到場力撐。期間二人除咗Solo演出之外，亦有合唱環節，唱出《從不喜歡孤單一個》、《一事無成》及《目黑》等經典歌曲，火花十足，現場氣氛相當高漲。

演唱會完滿結束後，唔少網民上載二人唱歌嘅片段到社交網站，當中《一事無成》就因頻頻走音及甩拍子，結果惹來網民揶揄，留言話「究竟是誰提議要兩個演員去開演唱會的啊」、「姚子羚都走曬音了」、「看得好尬」、「兩個都唔係唱歌嘅料」、「還是好好拍戲吧」、「唱歌有點吃力」、「兩個已經唔係唱歌專業 仲要揀首咁難唱嘅歌」等等。

howardwo

登台頻走音，網民寸到甘！