|
相信大家都知古天樂講普通話有好特別嘅技巧,09年佢喺廣告嘅一句「省姐能、能太能」,除咗令呢個廣告被廣泛瘋傳之外,亦令到佢成為港式普通話嘅佼佼者!喺2023年,古天樂為新潮洗臉品牌擔任代言人,今年佢同品牌再度攜手續約,近日佢就為品牌拍攝新嘅宣傳片,引起網民熱烈討論。
喺影片中,戴上太陽眼鏡嘅古天樂,對住鏡頭以「港式普通話」(港普)表示洗面係日常護膚嘅關鍵,自己係該洗面品牌嘅代言人,好開心可以同佢哋繼續合作。影片出街後,一班網民將焦點放喺佢嘅港普上,紛紛留言話:「古生又令人想起經典~輪呔能」、「屎lan慫」、「唔睇字幕搞唔掂」、「好似俾人挾持咗,然之後拍片叫家屬交贖金咁」、「學嘢啦,第時唔可以講廣東話,學佢咁講就問標準」、「賣個洗臉膏廣告好似被挾持」、「只有古生可以超越古天樂」、「救命笑到pk佢好鬼得意。。。」、「一面護膚(一命嗚呼)」、「係咪棟篤笑嚟㗎?我笑X到抽筋」及「我嘅港普老師」等等。 |
|