53歲黎姿晒意大利旅行泳衣照 露出香肩及零贅肉手臂力證凍齡魅力

GIRLAV

黎姿（現名馬黎珈而）14歲加入娛樂圈，多年來演繹過唔少經典角色，包括《倚天屠龍記》趙敏、《古惑仔》細細粒，更憑《金枝慾孽》侯佳玉瑩勇奪視后。不過黎姿弟弟黎嬰2007年不幸遇上嚴重車禍致頭部重創及半身癱瘓，黎姿為照顧弟弟於翌年宣布退出娛樂圈，2009年與富商馬廷強結婚，及後轉型至商人，近年專注打理所引入嘅護膚品牌及Facial療程中心。

黎姿一向被指保養得宜，身材及樣貌與當年活躍演藝圈時相差無幾，於7月初分享與「品味女王」郭志怡（Bonnae Gokson）飯聚照，被網民激讚美魔女。日前黎姿又於社交平台上載多張意大利旅行嘅美照，從照片中看到，黎姿身穿白色飄逸吊帶長裙登上高處，有幾張照片疑似出海吹海風，黎姿亦換上墨綠色無肩帶泳衣，露出香肩鎖骨及零贅肉手臂線條，再次力證凍齡實力。

黎姿多年來除咗積極做運動及保養皮膚，飲食更以清淡為主，佢曾表示相信早餐係一日內最重要嘅一餐，因此會花最多心力去安排，其早餐餐單包括太陽蛋、藍莓、草莓、麵包、番茄和一杯咖啡；如果早餐食得太豐盛，就會控制午餐嘅進食量，又會每日飲足8杯或以上嘅水，但為咗避免翌日水腫，佢喺瞓之前3小時都唔會飲水。

大江東去

佢嘅至愛米飯班主呢

howardwo

曬下旅行照！