盧淑儀驚人顏值曝光 獲國家一級運動員做導遊

GIRLAV

歌手李克勤同太太盧淑儀成日出雙入對，恩愛一面表露無遺，同樣愛打羽毛球嘅二人，就因為同中國國家羽毛球隊隊員關係密切，被譽為「國羽隊頭號粉絲」，最近佢哋就同羽毛球國家一級運動員鄭愷相聚同遊廈門，仲意外曝光盧淑儀驚人顏值！

早前蘇迪曼杯假廈門舉行，李克勤同盧淑儀專程到場支持，今次佢哋再度現身廈門，開心獲鄭愷化身導遊，帶隊暢遊當地景點，同行仲有克勤母親及盧淑儀父母，全家總動員見鄭愷，可見眾人關係夠晒Close。鄭愷於社交平台分享多張合照，並寫道：「快樂來自與克勤哥、淑儀姐一家的相聚。南普陀、下午茶、吃飯、逛街、鼓浪嶼、家宴，我如同一個本地的遊客，開心的過了一個週末」眾人全程吃喝玩樂，玩得盡興，期間李媽媽疑行動不便，盧淑儀全程貼心陪伴奶奶，獲封「最佳好新抱」。

大家最關心嘅梗係生活低調嘅盧淑儀，貴為1992年「三料港姐冠軍」嘅佢雖已年屆51，但依然靚爆鏡，略施淡妝仍見皮膚白裏透紅，顏值出眾，身穿短牛仔褲大晒修長美腿，少女感十足，引嚟網民讚嘆：「好美的盧姐姐」、「盧姐姐氣質絕了，真好看」。而李克勤百忙之中抽時間陪伴家人，加上多年來零緋聞，對太太一條心，被網友大讚係真正好男人。

howardwo

原來係咁嘅！