方力申演唱會公布胎兒性別是女兒高呼：我接受唔到

GIRLAV · 發表於 2025-7-21 10:34:57

45歲藝人方力申（Alex）於今年情人節宣布與31歲圈外女友葉萱（Maple）結婚，更在上月父親節公布太太已懷孕的喜訊，但一直沒有透露胎兒性別。至7月19日小方在佛山南海體育館舉行演唱會時，終於公布太太陀了BB女，自己未來將成為「外父」，不禁表示「冇可能係女嚟㗎，我真係接受唔到啊」，其反應惹來網民質疑他「追仔」；但有粉絲為小方「解畫」，認為小方其實偏愛女兒，而目標是「生多幾個」，有仔有女更好。

小方在演唱會上以刺破氣球方式揭曉BB性別，他把大大的金色氣球刺破後，即冒出多個粉紅小氣球，寓意即將出生的孩子是女兒。他隨即激動地表示，「我直情係接受唔到呢個現實，我當時我全晚都係話仔嚟㗎，冇可能係女嚟㗎，我真係接受唔到啊，對我衝擊太大啦」。

小方更播放了當時與太太葉萱的對話聲帶，畫面是胎兒的照聲波照片，聽到他不斷說「無可能、無理由、我冇理由估錯㗎」，而太太則回應「我都冇出過聲」，小方再次問「真係㗎？」，太太便說，「係啊，係女啊」。小方仍有點難以置信，又後表示「哎吔，又畀人估中咗，我係外父啊」，然後指太太「你真係好好戲喎，點解咁好戲嘅？」，而聲帶到此結束。小方直言「講真，我到到今日，我都仲未好肯定佢係真係女嚟嘅，所以呢月尾呢，我陪佢去照個結構，睇下有冇嘢凸出嚟先」，又指下一站演唱會再跟歌迷確定，屆時會說出如果是兒子或女兒會改甚麼名字。

至於對待兒子和女兒有何分別？小方笑稱「如果係仔呢，佢好大壓力，因為我一定要佢練游水啦，一定要佢好有禮貌啦，好誠實啦，即係好生性啦」。如果是女兒，小方笑稱輪到自己壓力大，「即係我想我長命啲啦，我想我fit啲啦，想有好似關智斌嘅腹肌啦，即係我想保護佢啦，我想佢拖住我嘅時候，覺得我老豆仲係好有型啦，所以我嘅壓力好大」，說罷即唱出演唱會最後一首歌《好好戀愛》。

小方日前接受訪問時曾透露仔女都喜歡，反而是想「生多幾個」。