55歲李綺虹上載素顏運動照 無懼雀斑皺紋呈現最真實狀態

GIRLAV

李綺虹1994年參選香港小姐，勇奪季軍及最受傳媒歡迎獎項，因出演劇集《神鵰俠侶》被封「最美郭襄」。李綺虹2004年與外籍老公結婚，育有一子並定居溫哥華；李綺虹亦減少幕前演出，專心相夫教子，並於當地從事精神科護士工作，不過佢就強調自己並無退出娛樂圈，去年更拍攝電影《今天應該很高興》，飾演地產經紀。李綺虹近日於社交平台分享一系列素顏運動照，以真實狀態示人，惹網民熱議。

李綺虹對上一次分享自拍照已是去年4月，日前上載一系列近照，包括做運動、喺海邊嘅自拍照及與外籍老公嘅合照，表示照片都係今年玩暴跌急流時拍下。從照片中見到，李綺虹一頭濕髮，並以全素顏上陣，臉上亦掛滿水珠，皺紋、眼袋和魚尾紋明顯。有網民留言表示認唔出李綺虹，但都有唔少網民力撐李綺虹：「美過，老過，這個世界來過」、「美過了呀自然老去很不錯啊，很真實」、「當大部分人為皮囊和容貌而焦慮不堪的時候，她早已活得通透」、「好欣賞她以最真實狀態示人！」、「沒什麽變化啊，只是皮膚差了點」等等。

其實李綺虹去年接受陳倩揚訪問時曾承認自己有過容貌焦慮，表示成日覺得自己唔夠靚、唔夠瘦，又唔夠後生，但之後都係覺得快樂係最重要，因而毫無保留展現自己最真實嘅一面。李綺虹過往亦大方分享過大頭素顏照，無懼臉上雀斑、紅疹、頸紋等瑕疵呈現於人前，雖然被批評樣貌出現老態，但佢就直認臉部發紅和紅疹問題係更年期引起，又指自己真係老咗：「很多評論都說我老了，確實老了，時間過得真快啊。」李綺虹又試過素顏接受李婉華YouTube節目訪問，自爆平日好少於扮靚方面花費，平日返工踏單車、陪兒子踢波都因懶惰而唔搽防曬及皮膚護理，又指自己唔怕用真面目示人都係因為懶得化妝，自己亦可以著睡衣去街：「我可以穿著睡衣出街，連老公都鬧我」。

howardwo

保養尚算得宜