葉蒨文Sophie跑步被野生捕獲 網民笑水桶腰 本尊自爆三圍數字再加高質回應

GIRLAV

《女神配對計劃》令「島大女神」葉蒨文Sophie人氣更上一層樓，早前有網民就野生捕獲Sophie身穿露腰運動衫加短褲喺街頭跑步，身旁有朋友幫手揸機拍攝。網民將片段上載到社交平台，但就有人mean爆留言指葉蒨文「水桶腰」、「腰唔靚」。

面對負評，葉蒨文親自上線回應，指當時係拍緊片，唔係去跑步。至於被稱為「水桶腰」，葉蒨文就話「每個月女人總有幾日個肚特別脹好正常」，暗示係生理期，並且自揭三圍呎吋係32-25-36，直言「唔覺得叫水桶腰身形！」。

身型甚fit嘅Sophie話之前試過真係24吋腰，但佢話除非角色需要，冇特別追求纖瘦身型，「都係睇嗰排郁得多唔多，健康就得！」而且唔會戒口。Sophie又表明「鍾意女人有少少肉，偏向鍾意肉感」，答得大方得體，令唔好網民對Sophie更有好感。

howardwo

素顏示人