唐佳雪妮同日舉殯兒子罕有曝光馮寶寶送殯稱難接受唐佳的「選擇」

GIRLAV · 發表於 2025-7-16 12:36:40

六七十年代電影武術指導唐佳（原名黃唐）疑因相伴多年嘅太太雪妮（原名李超純）罹患癌症而情緒受困，上月23日墮樓身亡，終年88歲。而雪妮就喺十日後因胰臟癌辭世，享年78歲。家屬安排唐佳同雪妮嘅喪禮同於7月15日舉行，二人靈柩隨即移奉歌連臣角火葬場火化。

唐佳同雪妮嘅兒子未有加入娛樂圈，向來鮮有公開露面。而喪禮後，相信係唐佳同雪妮嘅兒子身穿孝服捧住唐佳同雪妮嘅遺照離開殯儀館，神情哀傷。

多位與唐佳同雪妮合作過嘅藝人都有到場送別二人，專程由馬來西亞返港嘅馮寶寶表示同唐佳、雪妮相識多年，佢地結婚時更成為伴娘，寶寶姐坦言接受唔到佳哥嘅「選擇」，亦唔希望呢個故事令更多香港人唔開心，所以應該諗佢地能夠一齊走係福氣。