海兒認性格難頂 自爆不科學身材原因 被周家怡即場摸胸

GIRLAV

海兒（Hedy）擅長於女高音，被譽為「音樂女神」，為TVB歌唱選秀節目《中年好聲音3》擔任評審，其甜美外貌加上豐富音樂知識深受網民喜愛。不過近日海兒接受劉偉恆及周家怡主持嘅香港電台《守下留情》訪問，卻自爆細個性格黑人憎！

海兒於節目坦承自己細個性格高傲自大，令佢喺學校被同學孤立，不過同時極百厭，自爆曾因同學拒絕借筆記畀佢，就將對方嘅筆記丟棄；對姐姐亦同樣，曾妒忌媽媽送畀姐姐嘅手錶更合自己心意，要姐姐割愛讓畀佢，當姐姐唔肯後就將手錶砸壞：「當時覺得媽媽偏心，內心充滿不平衡，現在回想，只覺得自己當時是非不分。」而海兒學唱歌嘅契機亦是因為姐姐，表示因為姐姐學唱歌，於是佢10歲嗰陣就嘈住要一齊去，即使親戚批評佢聲音難聽；基於好勝，海兒都會將負面評價化為學習動力：「我自小好勝，凡事希望成為最出眾的一位，更為此而去做一些別人不做的事。」直至數年前到英國留學遇上疫情，令佢反思過去行為，開始學習佛學以及主動聯絡曾經傷害過嘅人道歉，學會善待他人。

除咗個性難頂，海兒亦指出細個充滿自卑感，憶述爸爸曾半開玩笑地表示：「你一個人出去，樣子夠惡，別人不會欺負你，但千萬不要開聲，一出聲別人就知你低能。」 又指自己嗰陣極敏感係喊包一名，可以喊足3、4個鐘，又好容易呷醋，表示因為成日喊導致胸骨發育較突出：「我哋喊嘅時候，身體以為我有少少抖唔到氣、過度換氣，驚我哋窒息，胸骨就會喺我成長嘅時候發達啲，哮喘時候成日都會係咁。」 周家怡聽罷即與海兒互摸胸骨，表示：「係喎係喎！你再突啲喎！」海兒更指當年喺英國讀書第一日就被女教授狂摸：「我professor係咁摸我，摸下顴骨、望吓口腔，摸下條頸幾長，認識我呢件『樂器』。」

howardwo

火辣辣身材