三位港姐應被褫奪名銜？梁思浩揞名爆表示有人冇悔意︰佢都幾寸喎

GIRLAV

梁思浩、吳家樂同鄧兆尊主持嘅網上直播節目《娛樂好好玩》，最新一集提及早前DJ樂宜自爆曾經同男神級藝人係性伴，更指對方唔多持久。梁思浩等人討論到如果其他藝人公開講自己性生活會有咩下場，隨即提到前港姐徐子珊曾經喺電台節目分享性經驗因而被雪藏，吳家樂就話「雪唔雪藏好睇人嘅，唔關件事嘅」，梁思浩就反問有冇人係講咗都冇事，眾人隨即交出3個人名，咁啱都係港姐！

吳家樂先講咗一位係姓馬，梁思浩就問「戴胸圍跳舞嗰個？」，鄧兆尊就喺旁邊提水「單字」，不過思浩補充「姓馬嗰個雪咗」。另一位姓蔡女藝人，鄧兆尊再次提水「執貝殼嗰個？」。而講到另一位姓黃女藝人之前，梁思浩認為TVB應該褫奪三位港姐名銜，因為佢地失禮港姐之名。吳家樂幫馬姓女藝人解圍話「佢唔關事，跳下舞啫」，但梁思浩就認為「你勾引人一pair嘅就有問題吖嘛。」

至於姓黃女藝人，梁思浩鬧得頗唔客氣「我又覺得佢幾寸喎，佢一直話我咬住佢，喂！佢搞咩人關我鬼事咩？我一直只係得一個論點，唔知你同唔同意，如果假設嗰兩公婆，你（姓黃女藝人）完全唔識個老婆，無問題。你唔使同佢道歉，但佢係你朋友嚟㗎嘛，咁你同佢講聲，『唔好意思，我攞咗你老公嚟玩。』」

梁思浩聲稱最近姓黃女藝人啱啱做咗個訪問，思浩睇下黃會唔會改善咗，但指記者問黃「你覺唔覺得欠咗人哋？」，黃竟然話「我唔覺得喎」。梁思浩後來直情指黃女藝人「爭鄭秀文一句道歉」，間接揭露黃女正是「安心事件」女主角黃心穎。

howardwo

來説是非者，便是……是非精！