伍富橋被斥戲子 老婆Shirley不忿拍片為老公出頭：你侮辱緊一個行業

GIRLAV

伍富橋（Alvin）於2022年公開與富家千金梁兆楹（Shirley）戀情，二人交往唔夠半年就決定結婚，伍富橋因而被封「億萬駙馬」，二人感情一直甜蜜穩定，無懼外界批評。不過EQ一向高嘅Shirley近日激罕拍片回應網民叫老公做「戲子」嘅言論，坦言呢個字眼好侮辱。

日前Shirley亮相ViuTV節目《晚吹—怨女俱樂部》坦承父親當初不滿佢嘅婚事，甚至冇舉辦盛大婚禮和宴會嘅理由係因為父親以腳痛及呼吸不暢為由推搪，透露有次父親當面怒斥老公伍富橋，表示最憎「戲子」，又指做戲子嘅都係「鴨」。之後，唔少網民就再用戲子形容伍富橋。Shirley於影片中就大談佢對此事嘅感受，認為網民攻勢力相當勁：「我覺得佢好努力，佢係好努力做好每一件事，唔止佢，我識嘅幕前朋友都努力去經營自己，去追尋夢想，呢啲稱呼真係好差。」續指希望大家尊重各行各業和每一個人：「你可以隨意地標籤我，話我醜、話我貼仔、話畀人食軟飯、話我蠢、話我肥，話我任何嘢，但你唔係侮辱緊我一個，你係侮辱緊一個行業。」她更強調人人都是平等，希望世界少一些傷害，多一些尊重和愛，所有人都會活得更開心！

howardwo

關仁隠事！