|
|
今年10月就「登六」嘅郭富城，太太方媛早前有傳三度懷孕，而城城上月中就透露自己即將再次成為父親，並且話一直都覺得係小朋友天賜嘅禮物，屋企越多小朋友越開心，好開心接受呢一份禮物，衷心多謝呢份恩賜。被問到今次懷孕係唔係計劃之內，佢就話一切隨緣，順其自然。之後佢就表示兩位囡囡都好興奮，迫不及待同新成員見面。被問到BB性別時，佢就大賣關子表示無論男或女都咁開心，非常期待BB嘅到來。
已經育有Chantelle（郭詠希）及Charlotte（郭詠萱）兩名女兒嘅郭富城夫婦，爸爸城城口講仔女都咁開心，但係有周刊就爆，城城同麻雀腳早前打牌，應驗咗「陀仔輸錢陀女贏錢」嘅定律，更不時一家輸三家，但就俾錢俾得好開心，仲親口證實老婆呢胎係仔。雀友話之前方媛陀女時城城手風好順，而且更爆城城今次係刻意追仔，因為佢一直都想有個囝囝繼承佢嘅靚車名錶等「男人玩具」。如果方媛今胎係仔，郭富城當堂打破「天王外父命」嘅定律，成為四大天王之中唯一有子嗣嘅一位。
報導又指郭富城得知即將添丁後，對方媛嘅寵愛以幾何級數上升，老婆嘅附屬卡升呢變成無上限任碌，更指已準備億億聲嘅「獎賞」，睇嚟天王真係好高興。 |
|
在線雷達
發表於 2025-7-9 18:40:22
廣播
置頂
超級提昇
強效提昇
推舊帖
收嗲鳥
油顏色
