「最美星二代」沈月和任晴佳激罕同框合作 盡得媽媽優良基因

GIRLAV

唔少星二代都遺傳父母優良基因，九十年代「性感女神」邱淑貞大女沈月、任達華和琦琦女兒任晴佳（Ella）就經常被讚五官標緻，被譽為「最美星二代」，星味十足，唔少品牌都邀請佢哋接拍廣告，成為時尚界新寵兒。近日沈月和任晴佳激罕同框合作。

廣告中，沈月和任晴佳穿上小性感黑色長裙，不停向鏡頭甜笑並於對方耳邊大講悄悄話，青春又夠晒活力，有望成為新一代時尚新星。23歲沈月近年開始接觸模特兒及廣告拍攝，佢自己都曾表示幾享受呢類工作；佢又曾為爸爸旗下品牌到上海行騷，演繹秋冬系列作品，穿上露腰上衣搭配牛仔套裝嘅沈月身材纖瘦又有氣質，盡得媽媽邱淑貞優良基因，當日邱淑貞亦現身活動，並與沈月同框合照，逆齡靚樣不輸女兒，似足兩姐妹。20歲任晴佳除咗擁有父母嘅超高顏值之外，更遺傳媽媽fit爆嘅模特兒身型，當佢仲係喺求學階段嗰陣，已經得到唔少品牌垂青，間唔中都會出席品牌活動及拍廣告，現時已加入經理人公司Cool Style。

howardwo

係幾令女嘅！