|
|
樂壇新人榛綦（Natalie）於2021年參加《全民造星IV》出道，雖然忙於幕前工作，但她同時身兼學生身份，6月21日她在社交網宣布終於大學畢業，還以一級榮譽畢業，相當犀利，她晒出多張畢業相，還有祝賀她畢業的易拉架，她發長文分享感受，表示：「我終於畢業了！我長大了！首先要多謝大家嘅祝福。擁有大學生身份嘅同時，我亦都係一位歌手，身邊每一個人都見到我呢一路行過嚟，遇上咗好多難題，充滿住唔同壓力，令到我身體都發警號，所以令到大家擔心真係好唔好意思，但遇到咗好多支持我鼓勵我嘅人，我衷心多謝咁多位。」
她首先感謝大學同學，笑言：「同我呢個認真魔人經歷咗咁多個group project，亦都好多謝你哋信任我，好開心喺我大學嘅生涯入邊你哋出現咗，陪我一齊癲一齊deep talk ，我愛你哋。」她又感謝公司及家人，最後不忘多謝努力不懈的自己：「喺大學生涯入邊，我承認我逼得自己太緊，我唔係要去impress邊個，但係我知道如果自己唔好好努力就一定會後悔。我得左啦！成功First hon畢業，仲有幸攞到Dean's list 證明我嘅努力白費。」網民都大讚她叻女，能同事兼顧事業與學業。 |
|
在線雷達
發表於 
廣播
置頂
推舊帖
收嗲鳥
油顏色
