吳業坤被困北上回港人潮 等的士排長龍︰以後唔會星期日返香港

GIRLAV

港人熱愛北上度周末，回港人潮自然墟冚。6月22日雖然唔係長周末完結，但係多個口岸返港旅客眾多，唔少網民喺社交平台報料，即使提早到下晝5點已經喺珠海準備過關，但係都要塞3個鐘頭車先上到港珠澳大橋。

被困於人潮嘅仲有吳業坤，6月22日坤哥發文post出一張相信係深圳灣口岸嘅排隊相，佢話「我都係收工，想搭的士返屋企 我諗都要排一個鐘」，同時佢又留言話「我已經見佢關口塞車，落車行去關口，點知過完關，仲要過埋的士呢一關」、「我已經唔知邊條隊打邊條隊」、「我以後唔會星期日返香港」。唔少網民都留言教路，叫坤哥轉搭巴士，坤哥之後亦都真係去排隊等巴士。但係亦有人叫坤哥原地返轉頭，喺內地揼個骨瞓一晚先返香港。

至於點解咁多人？有網民估計近期中小學都完成考試，家長於是帶小朋友北上玩樂，導致人流爆棚。

howardwo

北上人潮