44歲陸詩韻拍片公開擇偶條件 大肚腩冇頭髮比佢矮都可以接受

GIRLAV

現年44歲嘅2005年港姐亞軍陸詩韻（Sharon）於TVB發展數年星運平平，2009年決定轉行從商，曾經營內衣、餐飲及美容生意，更榮升「2025年大灣區香港女企業家總會」副主席，表示自己由舞台走到職場，屬於佢嘅時代已經到來。陸詩韻近年不時於社交平台大曬名牌手袋，時常出入上流聚會，生活愈見奢華，曾指被富豪包養，但佢否認此事。日前陸詩韻已搬離原與家人同住嘅1400呎複式豪宅，展開獨居生活；日前佢就上載一條關於佢擇偶條件嘅影片到社交網站。

從影片中，陸詩韻首先講到要求另一半要乾淨及整齊，最重要係孝順。至於外表方面，佢就話：「無所謂㗎，有大肚腩都得㗎，哈哈哈，大肚腩得嚟健康呀。冇頭髮？對我嚟講唔係一個好介意嘅嘢，比我矮？我亦唔覺得係一個問題喎」。

之後佢亦認為男士係需要主動，係大方嘅主動，同時幽默感亦都好重要，不過幽默得嚟要正路嘅幽默，因為佢認為自己係一個比較保守嘅人。至於日常有啲咩嘢會令佢覺得甜蜜，佢就話：「其實好簡單，每一日起身有個Good Morning，話畀你聽我每日起身都有記得你，其實呢個好sweet」。

howardwo

4張幾嘢！