|
|
去年憑電影《久別重逢》嶄露頭角嘅許恩怡Natalie，更喺香港電影金像獎獲提名最佳女主角。唔少人都知道許恩怡媽媽係八九十年代混血女神柏安妮，而早前許恩怡宣傳新片《無名指》時，有網民影到柏安妮現身戲院，並且同在場工作人員傾幾句，估計係為愛女打點。片段中柏安妮以爽朗牛仔褲波衫造型現身，甚有時尚感，睇落唔似58歲。不過有唔少網民認為，柏安妮同多年前相比樣子變化甚大，甚至話「到了年紀的女人還是不要太乾瘦」。
柏安妮具有中、英及馬來西亞血統，上世紀80年代被黃百鳴睇中邀請拍戲入行。柏安妮拍過廿幾套戲，同過張國榮、梁朝偉演對手戲，作品包括《為你鍾情》、《風塵三俠》等。柏安妮入行前本來俾英國牛津大學取錄，後來佢喺1993年息影轉投商界，之後再重返校園，曾經擔任兒童職業治療師，並創立科技公司開發協助兒童改善專注力不足等狀況嘅遊戲。
至於囡囡許恩怡，讀緊中學時就被內地名導張一白揀中，參演電影作品《燃野少年的天空》。三歲開始學舞嘅Natalie飾演追尋夢想嘅少女小黃。身為媽咪嘅柏安妮搵到份屬友好、曾經捧紅Angelababy、熊黛林同水原希子嘅經理人Kim Chou肩負起經理人工作照顧世姪女。有強勁後台之外，《燃》導演張一白認為相中Natalie，就係貪佢冇經驗。「我就是擔心由職業舞蹈員來演出不夠自然；所以當我從好友給我看的視頻中，第一眼看見跳蹦蹦跳過欄杆的她，一臉自由自在，活潑的模樣，當下我就決定小黃一角非她莫屬。」 |
評分
-
查看全部評分
|
在線雷達
發表於 2025-6-20 16:41:33
廣播
置頂
推舊帖
收嗲鳥
油顏色
