|
|
1997年香港小姐冠軍翁嘉穗於當選港姐2年後閃嫁比佢大20年嘅海馬牌床褥創辦人兼七海化工集團主席鄔友正，育有兩子鄔謨雲（Jason）及鄔謨風（Kaspar），兩兄弟相差14年，24歲大仔Jason已碩士畢業，仲係舉重健力運動員，喺2023年刷新兩項世界紀錄，現時於倫敦一所投行擔任投資銀行分析師，從事收購及合併工作，傳月薪近10萬；細仔Kaspar則於早前踏入10歲，翁嘉穗於社交平台分享為Kasper慶生嘅照片，網民意外將焦點放喺51歲翁嘉穗三點式泳裝造型之上，激讚佢靚女又保養得宜。
翁嘉穗與鄔友正早前帶細仔Kaspar到水上樂園慶生，翁嘉穗於帖文分享指對兩個孩子嘅教育方法好唔同：「轉眼間我的小寶貝已經10歲了！兩個兒子我都很疼愛的，不過小兒子我是41歲那年生下他的，人生經歷多了事情看得通透一點！所以小兒子和大兒子的教育方法有點不同，我沒有逼他學很多東西，另一個原因也因為產後我生了病一段時間，所以也沒有精力去處理…所以很希望跟他多一點愉快相處的時間。」又指唔需要囝囝豐功偉績：「作為媽媽，我祝福他一生平平安安，開開心心！不需要豐功偉績，只要舒服愉快地過就好了，因為年紀關係，我知道我不能陪伴他很長的時間，希望他有愛惜他的家人，和哥哥相處和睦，這樣就好了！ 生日快樂，我的BB K!」
翁嘉穗擁有凍齡外貌，大20年富商老公鄔友正亦積極保養，曾被網民大讚外表年輕又有魅力，亦於小紅書大談保養心得。早前佢就分享指自己遇到第二春，感覺熱戀中。原來鄔友正所指嘅係唱歌，表示早前因身體不適而更注重健康，認為唱歌係對健康最好嘅運動，所以就開始玩咗唱歌幾個月，又表示感受到戀愛嘅滋味：「因為唱的都是舊歌，好多年輕時的浪漫畫面浮現眼前！感覺自己在熱戀中！在和唱歌談戀愛！太浪漫了！70歲都可以有第二春！我極力推薦老人家開始學唱歌，享受第二春！」鄔友正亦自爆已準備好於7月17日71歲生日翌日報名《中年好聲音4》，指人老咗更加要有目標及夢想；佢曾分享指早於去年開始已準備參加：「冇人信，冇人支持，連我最親近的人都睇衰我！我的老助手說：『我相信你什麼都能做到，但唱歌一定不行！你的聲底太差，無論你怎樣努力，你有多聰明，都係徒勞無功！』更多人勸我，堂堂一間公司的老闆，為什麼出來獻醜？為什麼出來給人批評及恥笑？」現時，鄔友正經翁嘉穗閨蜜推薦唱歌老師，目前已上咗3堂聲樂課，佢就認為好好玩。
|
|
在線雷達
發表於 2025-6-20 16:07:16
廣播
置頂
推舊帖
收嗲鳥
油顏色
