李家鼎父親節與李泳豪及其太太慶祝 新抱仔被誤會係老婆

GIRLAV

79歲李家鼎（鼎爺）向來中氣十足，拍攝節目《阿爺廚房》系列更加親力親為，由切菜到煮菜都絕不假手於人。不過5月底兒子李泳豪大曬與太太Agnes和鼎爺一同慶生食飯照，就被網民直指鼎爺容貌較以往消瘦，仲留言指鼎爺老咗，叫李泳豪好好照顧佢。事隔不到一個月，李泳豪與太太Agnes齊齊為鼎爺慶祝父親節；鼎爺已肥返少少，精神狀況不俗。

李泳豪分享與太太Agnes和鼎爺食父親節飯嘅照片；當日佢哋就去咗食片皮鴨，鼎爺夾住食物望住鏡頭露出笑容，睇嚟都好滿意呢餐。而從照片中看到，李泳豪與Agnes搭住鼎爺膊頭，Agnes似乎亦與老爺關係唔錯。不過有網民就留言詢問：「圖一是他太太嗎？」似乎誤會Agnes係鼎爺太太，李泳豪即回覆澄清：「我太太」。

howardwo

父子相聚