「五索」被同事安排坐經濟艙 夾喺兩位陌生男中間即場黑面：同搭巴士冇分別

GIRLAV

網紅「五索」鍾睿心（Rachel）自與身家以百億計嘅66歲大生銀行主席馬清鏗爆出婚外情，生活愈見高調，時時於社交平台炫富，早前大曬Hermès手袋，指去親旅行都會買，但其實自己唔鍾意其配貨制度，要買貴袋都會喺拍賣會買，又指買咗個4萬元Hermès手袋畀媽媽做買餸袋。日前五索與同事飛成都公幹，不過同事卻買咗經濟艙，令佢爆嬲，成程機眼神都充滿怒火：「你覺得我應唔應該炒咗你？」

五索去到機場Check in發現被安排坐經濟艙，諗住Upgrade商務艙又被告知無位，令佢即場黑面，表示：「我應該有廿年冇坐過經濟艙！」加上，同事原來冇預先Online揀位，令一行人被打散坐，再次令五索反晒白眼，反問對方覺得應唔應該炒佢，又直言：「我已經好忍耐，如果係馬先生咁做，佢人頭已經落咗地！」

五索指今次連機場哥爾夫車都冇而要改坐接駁列車已經唔開心，點知上到機仲要坐喺兩位陌生男中間，同事影住佢都怒啤鏡頭。五索落機後更加大嗌一聲：「我要『殺死』我同事！」續指喺飛機到直頭掂到旁邊嗰個人隻腳：「唔係掂到佢隻手，左右兩邊都係其他人嚟㗎！同搭巴士冇分別啊！」

ngon-9-9

坐飛機坐著中間位 真係好難頂 尤其乘長途機