入餐廳自攜食物引公審 網民撐：「去飲茶帶咖啡無問題！」

GIRLAV

不少餐廳有明文規定「不能自攜食物」，但就算沒有說明，其實這已經是一種默契！最近社交平台一個帖文引起熱烈討論，評論區彷彿辯論比賽現場；原來，有網民在著名酒樓蓮香樓發現一位女食客桌上放了一杯外賣咖啡，直接偷拍並發帖進行公審，事件雖然理據十足，但網民反應竟然是兩個極端，有網友更用「渣渣輝」tone回應：「邊有餐廳唔比帶野飲架？」

自帶咖啡歎茶 被認為無衝突
帖主在社交平台分享一位女食客的背影照片，公審其「自帶食物」行為，並說：「失禮人。在尖沙咀新開的蓮香樓，看到一位長髪女生買了凍咖啡在店内飲。我唔同意在人家食肆飲食外帶食物，這是對那一間食肆的不尊重。」網友反應兩極，支持女食客的網友認為等位飲茶需時，排隊閩去買杯咖啡也很平常：「等到有位帶埋入去都好正常。」也有人覺得酒樓用茶位計算收費，帶着咖啡也沒有造成酒樓的損失：「俾咗茶錢有乜問題？」、「佢有比茶錢，同埋茶樓無咖啡飲。」、「又唔係齋坐，有俾錢架嘛。」

當然也有人撐樓主公審有理，不應因爲「有收茶錢」而合理化事件：「其實外來食物，恕不招待，唔止係消費問題，仲有食物安全、品牌管理等問題。以前啲人識得尊重大家，都會明白商家既立場。而家？一句「我有俾錢㗎」就大哂，叻囉！勁囉！」、「撐你呀，呢啲行為係教養問題、咁都覺得冇問題嘅都係冇家教嘅華人。」、「真心想問評論區，係咪只要間餐廳無提供嗰種食物就可以帶入去食，只要我係餐廳都有叫一份餐。」

同一事發地點 茶樓唔飲茶都要嬲？
然後有網友發現網絡上出現頗具爭議的一幕：在同一事發地點，又有食客遭到公審。根據帖文所述，「啱啱兩個大陸人坐低，阿姐問佢哋飲咩茶，佢哋竟然話：唔飲茶」，令人驚訝的是，該貼文竟特意採用雙語書寫，明顯有「衝出國際」、挑動爭議話題之意。此引戰內容被廣泛轉載後，立即引發網民熱議。眾多網友紛紛反駁表示，「唔知道以為你係蓮香樓老闆，仲要中英文發帖，乜香港茶樓有規定，開檯一定要飲茶，唔可以飲白滾水，俾茶位費就得啦？」言辭間充滿對這種無理公審行為的不滿 。

LasCases

想飲咖啡食點心。