高海寧經倫敦轉機返港托運行李延誤送達 怒斥航空公司嚴重影響行程

GIRLAV

TVB劇集《新聞女王2》已正式開機拍攝，目前正處於趕工階段，據悉有望於今年內播出。有份出演嘅高海寧日前罕有地於IG限時動態發文怒斥航空公司：「超鬧氣！」，仲加咗3個「發火」emoji。

高海寧透露日前於外地趕回港工作，必須由曼徹斯特飛倫敦再轉機返香港工作，即晚還要再趕去深圳工作。由於上機前就被告知行李趕不及上機，當航空公司職員了解高海寧需要用到行李內嘅物件，因而承諾會安排跟下一班機飛往香港，大概會比高海寧遲1至2小時到港；高海寧亦以防行李Delay，將行程改為翌日早上6時出發到深圳，點知再被告知行李要第二日早上才能到港。對航空公司嘅安排，高海寧表示難以理解：「如果轉機行李會轉唔及的話，點解唔預留多點時間再起飛？我班機已經delay咗至少45分鐘先起飛，都仲唔夠時間將行李上機？承諾咗可以安排跟下一班機返香港，依家又唔知點解做唔到，究竟搬運行李需要幾多時間？」

高海寧怒斥航空公司嘅處理嚴重影響工作行程，因為行李內有贊助商嘅衣服要交還，亦有工作時需要著嘅裙：「我不需要金錢賠償，我沒有時間再重新準備，這些都不是金錢可以補償到的，已經嚴重影響我的工作行程。」

howardwo

邊間Airline