李亞鵬瘋傳欠債離婚 老婆海哈金喜爆「很久沒有在一起」：積極面對困難

GIRLAV

王菲前夫李亞鵬喺2022年與細19歳嘅模特兒女友海哈金喜結婚，並誕下囡囡李夏，一家三口幸福美滿。不過近年棄影從商多年嘅李亞鵬被爆出經濟欠佳，指投資失利欠債4000萬人民幣，遭法院強制執行。早前海哈金喜喺小紅書上載影片表示因經濟唔好，需要縮減開支而要大屋搬細屋，近日佢再喺小紅書上載Q&A回答網民提問嘅影片，期間被問到係唔係同李亞鵬離咗婚，佢就否認離婚謠言，不過直認好耐冇同李亞鵬喺埋一齊。

喺今次Q&A影片中，海哈金喜回答網民三條問題，第一條就係「好久不見和鵬哥同框了 是離婚嗎？」，佢就回答話「確實...不是！不是！確實很久沒有在一起了，因為從春節之後呢，鵬哥就就一直在上山下鄉，及大家找好的茶葉，我呢是從上年底也是成立了自己的工作室，就是很多雜事，所以確實兩個人很久沒有在一起，但並不像大家想的那樣，很久不在一起，就出什麼問題啦，或是離婚的，非常感謝網友嘅關心」。

之後被問到「你們的房子是租的？」海哈金喜就表示搬家主要係為咗近啲公司，因為做直播嘅時間戰線會好長。另外，今次佢哋搵一間小坪數面積嘅屋，主要係想降低生活成本，「積極面對困難，努力工作，還債優先」。佢並表示目前佢哋係冇房產，而佢亦覺得租屋係冇問題。

最後被問到「你為什麼要找一個年紀大這麼多歲的人？」海哈金喜就認為愛情係「情不知所起，一往而深」，佢甚至反問「這道2025年了，還有人拿年齡來限制愛情跟婚姻嗎？」

howardwo

原來如此！