|
|
80歲馮素波（波姐）由童星入行，去年3月宣布約滿離巢效力三十多年嘅TVB，離開TVB後波姐緊貼潮流，積極經營社交平台和YouTube頻道《貼地嫲嫲馮素波》。日前波姐為YouTube節目《收納診聊所》擔任嘉賓；因去年憑短片《垃圾》於法國康城世界影展短片級奪得「最佳女主角」，而獲主持Kitty恭喜，但波姐一開口就笑指自己係「垃圾影后」，嚇窒對方，又於節目透露拒絕隨兒子移居英國嘅原因，以及自爆曾諗過買墓地。
波姐有過兩段婚姻，早年兒子David與太太移民英國，仲叫波姐跟隨，經考慮一周過後波姐決定留喺香港，佢喺節目透露原因除咗係唔想放棄香港事業，亦唔想成為兒子嘅包袱：「嗰邊已冇我鍾意嘅工作，因為我已經唔係歌星，講演戲英文水平達唔到，變咗一個失業游民，會加重我個仔嘅負擔，所以決定唔跟佢去，等佢安頓好工作，我做一個遊客都得，我去旅遊，我唔想做後生嘅一個包袱。」
波姐分享指自己堅持每日傳短訊去朋友群組講「早晨」，表示「我哋由一個40、50人嘅群組到現在只剩十個八個人，呢廿年裏面有幾多朋友離開咗，我係傷感，我現在有健康鼓勵佢哋，一定要收呢啲訊息。」續指，曾經喺2018年到美國登台時，見到三藩市嘅墓地環境後有意買下，直言墓地係一望無際嘅草地，又遠眺金門橋：「1800美金咋，香港點買到，入到三個骨灰位。」波姐原意係想兒子去旅行時可以順道拜祭，但回港與兒子商量身後事安排，卻被對方一口拒絕，分享兒子當時嘅說法：「佢話『我唔會因為拜你而去美國』，吓，冇諗住拜我呀？佢話『我唔係唔拜你，而係諗住將你放喺我身邊，唔使擔心，我去到海角天涯都帶埋你去。我會將你骨灰放在一個樽內，好似你嗰啲香水樽放喺度。』」 |
|
在線雷達
發表於 2025-5-28 11:48:40
廣播
置頂
推舊帖
收嗲鳥
油顏色
