|
|
《中年好聲音3》冠軍黃博開始展開歌手生涯，當然少不免接商演搵真銀。日前黃博就為一間保險集團嘅活動演唱，據講係佢首次商演，而黃博就以一身藍色套裝獻唱。黃博比賽期間憑演唱林子祥嘅《這一個夜》贏盡人氣，首次商演當然都唱返呢首，但根據網民片段，黃博唱緊呢首歌期間，幾位嘉賓走上台同黃博合照，完全無理會當時黃博係唱緊歌，甚至仲抱埋小朋友上台一齊影，而且一批人影完之後，又有另一位女士上台等住合照。有唔少演出經驗嘅黃博未受影響，繼續投入高歌。網民認為幾位嘉賓「唔多尊重表演者」、「成班人走上台好尷尬」。
另外，早前承認報名參加內地綜藝《歌手2025》嘅黃博，喺IG拍片分享遠赴湖南長沙參加第2集《歌手》嘅體驗。佢話今次有份投票同體驗個舞台，令佢覺得好震撼。網上有聲稱係黃博喺第2集《歌手》嘅演出片段，並且話佢係暖場嘉賓，但片段左上角寫住「AI高清」。
點都好，黃博出post提到去完長沙返屋企後，老公峰哥為佢整嘅紅油抄手同白灼蝦，唔使問一定係甜嘅。 |
|
在線雷達
發表於 2025-5-26 15:26:47
廣播
置頂
推舊帖
收嗲鳥
油顏色
