孫慧雪為仔仔瘋狂清潔公廁行為惹熱議 網民反應兩極：咁搞應該瀨左了

GIRLAV

現年42歲索爆人妻孫慧雪（Snow），2016年下嫁富二代羅天彥（Edwin Lo），並先後誕下大仔「水哥」羅駿滐Riley及細仔「肉肉哥」Rian，一家四口幸福美滿。身為兩子之母嘅雪雪，近日上載一段關於仔仔想喺公廁去廁所嘅影片到社交網站，佢嘅清潔行動引起網民熱烈討論。

日前孫慧雪喺社交網站以「當小朋友在街上突然想去洗手間，瞬間變成清潔廁所特工」為題出PO，影片中佢拖住仔仔喺商場行街，期間仔仔表示想去洗手間，於是佢就化身清潔廁所特工，喺廁格為廁所清潔，收拾佢用清潔劑瘋狂噴廁所板，再用刷子清潔馬桶，然後用紙巾抹乾廁板並再噴清潔液，最後用紙巾包圍廁板，務求令仔仔零機會掂到廁板。

呢個PO一出，唔少網民對佢嘅清潔行動議論紛紛，有網民認為佢行為誇張及唔應該用手直接掂廁所板，留言話：「無可能用手掂公廁廁板🤢扮到扮得好少少吧 再重拍啦」、「就是誇張，用馬桶墊最實際啦」、「咁搞！小朋友應該瀨左了」、「誇張」、「有點奇葩」、「我係用即棄廁所墊」、「未夠專業， 條裙拖哂地下， 直接用手摸廁板， 用埋公廁既廁紙」、「那麼愛乾淨的媽媽絕對不會讓自己的裙擺像拖把一樣在公廁拖來拖去」及「誇張失實！」等等；不過亦有網民認為媽媽唔易做，佢嘅做法合理，留言話：「你都咪話，真係一D都唔誇張」、「不能同意更多」、「in 雪媽, we trust!!!」、「媽媽辛苦了妳😢」、「雪, 係一個好媽媽！ ❤️❤️❤️❤️❤️」、「簡直係心聲，其他人唔明你，我明你😂👍同埋我覺得拍得好好笑，潔癖者心理關口🤭」及「阿媽唔易做😂」等等。

howardwo

家庭幸福