前港姐亞軍朱慧敏懷孕七個月三年抱兩透露屬計劃之內分享陀B秘訣

GIRLAV · 發表於 2024-12-24 13:05:24

參加2004年香港小姐競選奪亞軍入行嘅朱慧敏（Queenie）2021年與心臟專科醫生陳良貴結婚，去年10月更誕下囡囡Shera，一家三口非常溫馨。淡出電視圈嘅Queenie近年主力擔任KOL，亦不時於社交平台分享一家三口嘅幸福時刻，最近亦曾分享囡囡參加爬行賽奪冠嘅片段；而12月24日佢更加向傳媒透露懷孕7個月嘅消息。

早於9月時Queenie於社交平台分享日常時曾被指疑似再懷孕，不過當時Queenie僅表示「日後有好消息，定必跟大家分享」。去到12月24日，Queenie接受媒體訪問就透露已懷孕7個月，並表示係計劃之內，與丈夫早計劃生完第一胎後於半年至一年再生第二胎。另外Queenie亦分享陀B秘訣，指備孕前半年至1年每月去針灸及做暖宮療程各兩次；而自己亦會儘量避免凍飲等，更習慣每日在肚位置敷暖水袋，保持身體暖和。