鄭梓浩《中年好聲音2》再入行 被爆桃色醜聞轉戰內地市場

GIRLAV

鄭梓浩曾於1991年簽約新藝寶唱片公司以歌手身份出道，出過兩張唱片，因發展平平決意移民新西蘭，直至去年回香港參加《中年好聲音2》，11強止步仍獲TVB簽約做藝人。不過，卻被爆出桃色醜聞，被初戀情人Grace揭拍拖7年期間，長期偷食兼食軟飯，搭上內地「小三」嘅同時，仲有位「小四」孫耀威已婚妹妹孫美賢（DaDa）；有指男方當時被孫美賢包養，不時祼聊及到元朗愛巢約炮。孫美賢其後承認曾與鄭梓浩短暫交往，但就強調出自同情心先借錢畀對方，並非包養關係。Grace則再次接受傳媒訪問時透露鄭梓浩最叻係扮慘呻窮呃身邊人嘅錢，係絕世渣男一名，就連《中年好聲音》系列評判肥媽（Maria Cordero）都公開鬧爆：「咁X街嘅男人都有嘅？」

鄭梓浩因醜聞形象下滑，工作機會大減，亦一度潛水。直至月前再次於社交平台出PO分享工作照，又將工作重心傾向內地發展，除咗抖音直播吸粉，更參加湖南電視台選秀節目《超級老聲2024》，演繹經典金曲，包括林子祥《敢愛敢做》、Beyond《海闊天空》，以100分滿分成績勇奪第一名出線，亦獲內地知名音樂人愛新覺羅‧啟笛讚賞其歌聲，睇嚟已成功闖入內地市場。

littletrumpet

重新出發