《愛．回家》高小姐效力TVB 8年終離巢 甄采浠親證裸離：其實真係好唔捨得離開

GIRLAV

曾參演TVB劇《巾幗梟雄之懸崖》、《愛．回家之開心速遞》等的甄采浠（前名：甄穎珊、甄詠珊）離巢，與TVB結束8年主僕關係。甄采浠接受《Yahoo娛樂圈》訪問分享感受，並透露今次是「裸離」。

甄采浠於2004年獲許冠傑發掘而加入Sam's Angel，正式出道加入娛樂圈。其後於2006年曾參加《亞洲小姐競選》，翌年與石詠莉和陳樂榣組成Freeze，被封為「整容三嬌」，並於2010年正式解散。2011年，甄采浠簽約亞洲電視。其後，她於2014年簽約尚品娛樂。直到2016年，她加入TVB，效力8年後近日離巢。

回復自由身的甄采浠坦言：「其實真係好唔捨得離開，我做呢個決定嘅時候我都喊咗好多日，我好感恩有呢個大家庭、呢棵大樹，陪我走過人生中嘅八年！雖然我唔係親生女，但係我嘅機會都唔少，每一個角色都好有發揮，我係一個冇偶像包袱嘅人，我鍾意有挑戰，我覺得挑戰好『玩』！我嘅宗旨就係盡力演活每一個角色！」

她續說：「今次我都算係『裸離』，我係一個活在當下嘅人，我個座右銘：船到橋頭自然直！我有我好多想做嘅嘢，但係冇好長遠嘅計劃，我係ESFP，我好P架，所以我需要一啲好J嘅人同我一齊工作。我比較相信緣份，緣份到咗自然就會知道自己下一步點行。輕輕鬆鬆做人，認認真真做事！」

howardwo

又走個靚女！