「美心妹妹」Celine楊鎧凝出PO報喜 坦言緊張又興奮 網民大讚叻女

GIRLAV

「美心妹妹」楊鎧凝（Celine）一向鍾情於日本文化，由任職日語教師嘅爸爸教授日文，用咗兩年時間由日本語能力試N5級考到上N2級。Celine今年4月獨自到日本九州一間寄宿高中留學，不時於社交平台分享校園生活，表示非常享受九州嘅清靜，亦指已識到新朋友。Celine曾於社交平台PO出宿舍環境，又曾多次分享校服照，校服look純情又可愛；近日Celine又於IG限時動態貼出於班房拍攝嘅校服造型照，表示自己做咗學生會會長。

Celine於IG限時動態寫道：「我係楊會長」、「我竟然係（喺）呢間學校做到學生會會長」，及後又於Facebook專頁再次分享好消息：「多謝大家的關心，得到先生及同學的支持，最後竟然由我一個香港來的留學生，當選了學校令和7年度（2025年度）的學生會會長。之後Celine要面對的挑戰又緊張又興奮，但一直得到大家的鼓勵是我最大的動力」，唔少網民留言大讚Celine叻女，又擔心佢會好忙，叫佢保重身體：「加油，好叻女呀」、「Celine真係好叻叻呀，加油！」、「超強！日本人禁抗拒外國人可以做到會長大強了！恭喜！」、「會忙，保重身體，做好自己.公平公正」、「唔好比自己咁大壓力自己呀！做好自己眼前每一件事…就可以」等等。

LasCases

面仔圓圓。