陳曉華馮盈盈古裝造型曝光網民票選Hera大比數拋離 FYY改叫對方師姐？

GIRLAV · 發表於 2024-12-9 16:59:17

陳曉華（Hera）近年被TVB受力捧，工作接不停，亦被提名角逐《萬千星輝頒獎典禮2024》視后﹑最佳女配角和飛躍進步女藝員獎項。早前陳曉華與同為港姐冠軍嘅馮盈盈（Crystal）為武俠題材線上遊戲拍攝宣傳影片，二人穿上古裝化身成遊戲中嘅兩個角色，被網民大讚非常適合古裝，更對二人嘅造型作出比較。

陳曉華與馮盈盈扮演遊戲中嘅女俠「葉雪青」及舞姬「李師師」，古裝造型配合擺出代表角色嘅甫士，扮得入型入格，眼神和舉止充滿韻味。有網民於討論區以「古裝cosplay大對決！陳曉華 vs 馮盈盈」為題出PO，一人一票選出古裝最靚嘅一人；截至12月5日晚上10時，陳曉華以1135 VS 122大比數拋離馮盈盈，有網民激讚靚到好似AI咁：「呢2個look（造型）陳曉華真係正d（啲）」、「陳曉華好適合古裝造型，Fyy反而冇古裝味」、「陳曉華P到成個Jisoo咁」、「江湖俠女 vs 青樓歌女」、「仲靚過AI整出來」、「無比較無傷害」、「陳曉華個古裝好睇過佢著時裝」、「江湖俠女 vs 青樓歌女」、「馮盈盈古裝啲mk味都甩唔到」等等。不過都有網民認為二人風格唔同：「公道講句兩個都正既，只係唔同風格，陳曉華似名門正派既溫柔大師姐，FYY就似性格調皮，怡紅院既頭牌」，就連馮盈盈亦於陳曉華IG回覆：「師姐」，有網民問到馮盈盈點解由港姐師姐變咗後輩，佢又再次現身叫人下載遊戲就會知道叫「師姐」嘅原因。