41歲張嘉兒任地產經紀拍片介紹列治文惹網民批評：賣花梗係讚花香啦

GIRLAV

張嘉兒自細於溫哥華長大和讀書，直至2007年到香港參加香港小姐競選，勇奪冠軍留港發展。不過於2015年與金融才俊老公Nathan結婚，先後誕下兩名女兒，其後就開始淡出幕前，專心照顧家庭，舉家亦於3年前移民溫哥華。張嘉兒兼任營養學家及正面管教認証講師，又擔任KOL分享正向教育心得，近日更加利用自身於溫哥華長大嘅優勢成為地產經紀，直言歡迎大家向佢諮詢投資決定，蔣家旻、岑麗香、岑杏賢都留言表示讚好及恭喜。

張嘉兒指自己好喜愛同熟悉溫哥華：「一啲都唔陌生」；近日佢就拍片介紹列治文當地嘅社區發展，指食同住都好方便，有唔少大型購物商場及休閒設施，適合新婚夫婦、一家幾口和退休人士居住，但就被網民批評佢避開列治文計劃興建一棟有90個單位嘅永久性支援性房屋，以及建立「毒品注射屋站點」嘅傳聞，被指唔夠專業：「賣花梗係讚花香啦。講佢嘅好處，壞處唔講」、「滴滴屋都未起，唔提都理解既」，又認為喺溫哥華好容易就可以拎到地產牌：「藝人做保險，經紀係著數d（啲）」、「好易考地產牌。好多人做地產溫哥華」、「碩士都係做經紀」、「做地產經紀都不需要甚麼學歴」等等。

另外都有唔少網民將焦點放喺張嘉兒外貌之上，留言：「佢當年冠軍，一地眼鏡碎，但婚後樣貌身材十分好更勝當年」、「佢真人好有氣質」、「我好多年前見佢 都有10年前，佢應該係屬於嗰啲唔上鏡嘅人，真人係好有氣質，同埋都好有禮貌」等等。

howardwo

轉行做地產