黃百鳴大展歌喉唱《記憶棉》別有風味 網民：阿大嫂又離家出走

GIRLAV

現年78歲「電影大亨」黃百鳴，除咗係著名演員之外，仲身兼電影監製、編劇、導演等多個身份，當中以《家有囍事》及《開心鬼》最深入民心。近日有網民喺小幸福分享黃百鳴大展歌喉唱MC張天賦嘅《記憶棉》嘅影片，引起網民熱烈討論。

近日有網民喺小紅書以「老年版記憶棉」為題出PO，上載黃百鳴唱《記憶棉》嘅影片，寫上「越聽越上頭，真係好有家有囍事事feel #記憶棉 #記憶棉胎」。喺影片中，黃百鳴著上白色恤衫、碎花西裝配上卡其色西褲，疑似身處酒廊中獻唱，一臉享受嘅佢不時提高八度，最後更更震音唱出「與你歡笑」，結果引嚟唔少在場人士歡呼。

影片曝光後，隨即引起網民熱烈留言，例如「好像聽緊阿姐唱少女的祈禱咁」、「阿大嫂又離家出走」、「下一句會唔會係：我信愛，同樣信會失去愛」、「襌院鐘聲版本」、「用1.5倍來看，超越原唱」、「音樂一條軌 人聲一條軌 冇mix 埋」、「好洗腦啊 循環播」、「真係好尷尬」、「差點忘記原唱」、「家有囍事版本」、「百鳴哥可以把所有歌變成自己的歌」、「有請大嫂，吳君如，對唱」、「非常有個人風格」、「哈哈哈哈哈哈哈哈哈哈哈哈哈點解覺得有種聽新歌的感覺」及「好有崩壞版既版本 。 但又有自己風格 。 呢下先過癮 。 d假音 堅」等等。

supermario1980

後生到而家都差唔多樣；唔似快８條野．．．．．．．

howardwo

唱下歌仔