朱敏瀚首度開腔回應與陳曉華戀情 甜蜜大方承認了解中

GIRLAV

TVB上位小生朱敏瀚（Brian）早前傳出與前港姐冠軍陳曉華（Hera）秘密拍拖及同居，兼指佢哋已經見埋家長，年底喺東南亞國家舉辦婚禮。消息傳出後，二人都未有作出回應，直至日前陳曉華出席劇集煞科宴時終開腔回應事件。而朱敏瀚喺出席活動時亦首作回應，甜蜜大方承認與Hera了解中，仲話將來有好消息一定會公布。

日前朱敏瀚喺出席活動時，被傳媒恭喜有新戀情拍拖時，佢就扯開表示同張振朗、周嘉洛歐遊好開心，之後就鬼馬地用「俾佢了解下」去回應早前陳曉華以「了解中」去形容二人關係。之後被問到年底結婚嘅傳聞，Brian就表示對於東南亞國家舉辦婚禮係一頭霧水，不過佢就話將來有好消息一定會主動公布，唔會收收埋埋。當被問到對Hera嘅評價，佢就再次扯開話題，表示自己好感恩近年拍劇識咗好多好朋友，身邊好多人都好好。

howardwo

有戀事