北角開槍案家屬開腔｜兄稱3警無開隨身攝錄機母曾勸「同佢溝通唔好打佢」警：開槍符合守則

GIRLAV · 發表於 2024-10-3 13:57:09

9 月 15 日一名患有思覺失調的 38 歲男子疑襲擊其母及妻子，被指手持菜刀及剪刀企圖襲擊警員，遭警開槍制服，送院搶救不治。死者家屬主動約見傳媒，透露得悉事發時三名警員均無開啟隨身攝錄機，未有拍攝案發情況。死者的兄長質疑：「點解唔開機？有咩考慮？」

警方回覆《Yahoo新聞》查詢時，無正面回應事發時警察曾否開啟隨身攝錄機，但稱非常重視案件，已交由港島總區重案組調查，重申據警方初步調查，涉事警員開槍的決定符合有關守則。

「我情緒有啲激動，不停咁喊，同埋講唔好開槍、唔好開槍」

李妻憶述當晚她及奶奶遭丈夫徒手襲擊後，她即入房致電 999 報警，當時丈夫並無手持任何武器。「我報警同警察講，我老公打媽媽同我，我驚，我叫佢哋快啲，跟住我就講一句：我老公識武功、功夫（詠春及泰拳）」。她亦提及丈夫患有思覺失調，其後警方致電她確認地址及查詢她是否安全，「問我哋可唔可以出房間開門」。李妻答：「我睇情況，因為我驚所以我喺房間」。直至她聽到門外傳來警員到達的聲響，即回電剛剛確認地址的電話號碼，「我情緒有啲激動，不停咁喊，同埋講唔好開槍、唔好開槍」，「我肯定佢係聽我電話，係知道嘅」。

「佢好驚人，你同佢溝通唔好打佢、同佢溝通」

李母被兒子打傷後曾一度離家，直至管理員通知才得知有警員到場。她上樓時警員已站在家門口，要求她別行近並站在後樓梯口。李母稱，當時她有向警員說：「佢（兒子）頭腦有問題、佢好驚人，你同佢溝通唔好打佢、同佢溝通……佢有恐懼症，佢好驚」，惟她形容現場警員「唔理我」。

直至警方開槍後，她再見到兒子時，他已倒在血泊之中，「見到腳有血、地下有血」，並見到兩名警員將死者按在地上，「你話慘唔慘呀」。惟李母當時受驚，只顧注意兒子，並無留意警員的裝備。其後有警員稱現場安全，著李妻步出房間，並要求取出死者身份證。最終李妻於凌晨五時許得悉丈夫離世。

「我哋想知道真相」

據李家了解，事發時三名警員均無使用隨身攝錄機拍下當時情況。當日躲在房間的李妻稱：「想知到執法警員攝錄機有無影到啲咩，我哋想知道真相」。家人亦引述鄰居稱，聽到警員叫喊死者「放低把刀」數次，數秒即聞槍聲，未聽見有人警告會開槍。李妻質疑：「佢唔係恐怖分子、唔係犯人，恐怖分子都可以去法庭申訴」，「係咪咁快開槍、唔尊重生命？」

警方回覆《Yahoo 新聞》稱警隊內部就使用槍械以及各種不同程度的武力方面有嚴謹守則，據警方初步調查，事件中警員開槍的決定符合警隊有關守則。警方非常重視此案件，已交由港島總區重案組調查，完成後向死因裁判法庭提交調查報告，由死因裁判法庭決定會否展開死因研訊。

至於事發時涉事警員曾否開啟隨身攝錄機或拍攝，以及是否合符隨身攝錄機的使用指引，警方稱：「已制訂內部指引，規管隨身攝錄機的使用。警隊會不時檢視裝備，以配合實際行動需要」。