61歲葉童被問「如何看待老去」 秒回主持︰你的心態有問題

GIRLAV

61歲嘅葉童近年以灰白短髮示人，加上簡約幹練嘅衣著，成為唔少人口中「優雅地老去」嘅示範。早前葉童接受鳳凰衛視訪問，主持人提起「老去」呢個題目，認為葉童好好咁註釋咗如何「優雅地老去」，同時主持人艾楚怡講起之前葉童喺《我愛你！》電影中演失智老人，認為「老去」係殘酷嘅，於是想知葉童點睇。

葉童聽罷問題之後皺晒眉頭回應「我覺得小艾（主持人）你的心態有問題」，隨後哈哈大笑，再向主持補充。「你還那麼年輕貌美，就在說『衰老了』」，艾楚怡立即補鑊「我得向你取取經」。葉童認為艾「把衰老看得很恐怖」，但其實同時有好多好美麗嘅例子，唔少人幾代同堂含飴弄孫，好多大爺大媽去上興趣班活得開心，但我地都睇唔見。

艾楚怡認為年紀大社交圈子會越來越細，葉童並不同意，因為而家好多年青人都係喺屋企打手機，並指一指自己個頭﹐認為全在於頭腦想法。而家嘅葉童自言追求心境平衡平和，令自己更加舒服。

xiaozhongchang

她以她自己的方式美麗。

howardwo

歳月催人