「巴西版成龍」劈椰子似足本尊？網民熱議：係咪AI？

GIRLAV · 發表於 2024-9-24 11:10:15

國際影星成龍紅遍世界，問吓外國朋友對香港嘅認識，可能都會答Jackie Chan!

最近網上流傳一段影片，指巴西有個老翻成龍，除咗手臂有紋身呢點唔同之外，樣貌同大哥幾乎一樣，似到孖生兄弟咁！

不過亦有網民質疑片中嘅「巴西成龍」係咪以AI 人工智能製作，因為部份「大哥」容貌會隨住面部郁動而有所變化。

今年70歲嘅成龍大哥依然參演動作片，即將於內地十一黃金周上映嘅《熊貓計劃》中，其中一幕係佢親自揸電單車飛車破窗，完全唔駛替身，即使過程中唔小心仆親，大哥都唔當一回事，仲話個動作對佢嚟講太容易。