索爆人妻陳自瑤520 IG上載靚相老公王浩信低調俾like

GIRLAV · 發表於 2024-5-24 16:07:52

王浩信與陳自瑤（Yoyo）於2011年結婚，翌年4月誕下囡囡王靖喬（QQ），近年二人屢傳婚變，亦甚少提及家事，令傳聞一直停不了。近日，陳自瑤趁著「520網路情人節」喺IG上載一輯靚相並留言示愛，老公王浩信亦有好低調咁俾like。

現年42歲嘅索爆人妻陳自瑤，近日趁著「520網路情人節」喺IG上載咗一輯靚相，並留言向大家示愛話：「Happy 520💙♥️💙♥️ Love you all 🫶🏻🫶🏻🫶🏻」。相片中嘅Yoyo著上湖水藍色衣服，露出香肩及白皙肌膚，結果吸引網民目光，引起暴動，紛紛留言大讚好靚及好有魅力。同時圈中好友連詩雅及沈卓盈分別留言「I love uuuuuuuu❤️」和「Pretty😍😍😍」，不過最令大家驚喜嘅就係平時好低調嘅王浩信都有俾like，用行動去支持老婆。而呢個舉動同時被網民關注，猜測佢哋嘅關係係唔係有所改善。