佘詩曼罕有合照Say no 露「真面目」嚇到小妹妹退後

GIRLAV · 發表於 2024-5-7 14:09:24

三料視后佘詩曼出名人好又貼地，圈中好友眾，鏡頭外更係Nice爆做親民天花板，所以佢好評如潮，個個都好鍾意佢。不過日前有網友竟然偷拍到佘詩曼「真面目」，平時人前勁好人嘅佢，忽然態度180度轉變，搞到小粉絲怕怕！

因為身處武漢天河機場嘅佢，企喺check in櫃位前，又剛辦完登機手續，正當佢準備離開時，就有一名小女孩上前詢問佘詩曼可否合照，小女孩禮貌問道：「姐姐可以合影嗎？」點知出名友善嘅佘詩曼竟然一臉嚴肅，仲大動作搖搖頭拒絕，嚇到該名小女孩都後退兩步。好在佘詩曼好快就「變臉」露出甜笑，開心咁同小朋友講：「開玩笑啦！」又半蹲同小女孩合照，走嗰時仲摸摸女童面珠，盡顯超強親和力，不過佢就太貪玩，搞到差啲嚇親小朋友喇。