袁嘉敏自爆單身原因曾遇有錢人埋身拒絕對方邀請

GIRLAV · 發表於 2024-3-19 12:21:14

39歲袁嘉敏（Candy）2009年參選香港小姐競選奪得「最上鏡小姐」而與TVB簽約成藝人，及後轉戰影壇先後拍過《賭城風雲》、《屍城》、《殺破狼II》等電影；然而早年首次露點演出《鴨王》令更多人認識，之後又曾於社交平台爆Seed直斥鍾培生及其父鍾仁偉係人渣，又指兩父子人品有問題，惹起熱議。袁嘉敏去年底移英過新生活，不時於YouTube頻道拍片分享移英近況，曾透露自己一直無抱怨單身生活，表示當真係拍拖嗰陣就會畀大家知道。日前，袁嘉敏又於新片自揭家境並非富裕和曾於COVID期間有好多富豪注意及試圖接近自己。

袁嘉敏以「About my past and the lessons learned（關於我的過去和學到的課題）」為題拍片，全程用英語分享感受。首先，袁嘉敏回顧童年生活，表示13歲時到澳洲讀書，即使父母為佢交學費，亦要打幾份工賺取生活費，其中擔任餐廳工作，因經常清潔機器及處理大量熱水令雙手變紅、甩皮和衍生濕疹，袁嘉敏至少打過40份工，透露或許係從小習慣與男性上司工作，變得男仔頭性格，加上獨立令佢仍維持單身狀態。

袁嘉敏又大爆於疫情留港期間曾經喺畫廊工作，卻遇到眾多有錢人埋身邀請佢參加派對或拍攝，但佢都一一拒絕：「我遇到好多有錢有權力嘅人，因為當時Covid人人都留港，佢哋接近我，問我『你可不可以去我哋個生日派對唱歌？』、『可以做呢啲嗎？你能幫我拍攝呢個嗎？』等等。我拒絕為佢哋工作，就像你不能操縱我去相信之後仲有機會。」袁嘉敏又表示過往於電影圈工作不時被中傷，被指性格唔好、唔係好人，而家學識放自己喺第一位：「佢哋依然會想講咩就講咩，我控制唔到。」