歐陽娣娣公演晒高難度動作完美側手翻驚艷眾人

GIRLAV · 發表於 2024-3-15 10:52:32

台灣女星歐陽娜娜細妹歐陽娣娣，近期亮相內地選秀節目《創造營亞洲》爭取出道做女團，而喺最新一次公演中，佢唔止展現出高難度嘅舞蹈動作，仲同隊友雙膝跪地來回摩擦地板，驚艷演出令人忍唔住嘩一聲。

喺新一集中，歐陽娣娣同隊友表演歌曲《AIN'T MY FAULT》，喺是次演出中唔止多企C位，仲展現出高難度嘅側手翻外，仲同隊友一齊雙膝跪地來回摩擦地板，而喺變換隊形後，歐陽娣娣仲同其他隊員一齊擘大對腳，畀另一隊友喺中間滑過，大膽而又高難度嘅舞蹈，一度令現場觀眾睇到嘩嘩聲外，歐陽娣娣亦分享片段道：「我的《創造營亞洲》二公舞台《AIN'T MY FAULT》，一次全新的嘗試和挑戰！」事實上，歐陽姊姊曾喺節目透露，因為自己係屋企最細嘅小朋友，所以備受家人保護，對於自己參加選秀做女團一事，更係出於驚佢受傷為前提，非常唔支持佢參加：「但他們後來還是選擇支持我、尊重我的決定，讓我來到這裏，我也沒後悔做下這個決定，讓我學習到了很多東西。」