江嘉敏搣甩「大媽味」新劇長髮造型撞樣視后林夏薇

GIRLAV · 發表於 2024-3-8 11:45:37

現年29歲嘅TVB小花江嘉敏（Kaman）劇接劇備受力捧，外表甜美嘅佢較早前因身形發福，再加上衣着品味而被網民指佢大媽味濃兼封佢為「時裝車禍」嘅代表人物；不過近期佢突然變瘦，忙於拍攝新劇嘅佢仲駁咗一頭長髮，五官及輪廓竟然與視后林夏薇撞樣。

活躍於社交網站嘅江嘉敏，不時上載靚相及工作狀況與網民分享，好似近日佢就忙於拍攝新劇《武林》，角色造型需要駁上一頭長秀髮，而佢就喺IG Story上載咗呢個新造型嘅影片，並寫上：「＃武林＃左小虎今日套戲劇令我諗起一首歌」，片中嘅佢撞樣林夏薇。雖然佢好鍾意呢個新造型，一眾網民亦表示長頭髮好襯佢，不過佢喺接受傳媒訪問時就話長髮駁咗5至6個鐘，佢本身頭髮好厚，要噴好多噴髮膠，所以唔使一星期就用咗半支洗頭水。